Egypt-in HRW website a block

Egypt chuan Human Rights Watch-in an ram chhunga jail-a innghaisakna thleng ṭhin chungchang report a tihchhuah hnuah, HRW website a block sak.

HRW hian 'We Do Unreasonable Things Here' tih thupui hmangin, Egypt jail-a tang tawh leh an chhungte thusawi te, jail chhunga eptu pawlte chunga thuneitute chet dan te, tangte an nghaisak ṭhin dan leh, chin hriat loha awm zui ta an awm dante an tarlang a ni.

Egypt foreign ministy chuan HRW report hi na takin a sawisel a, an ram tihhmingchhiat tumna nia puhin, tunhnaia an rama humran rights record-in hma a sawn dante an haider sak niin a sawi.

Hetih lai hian HRW Middle East deputy director Joe Stork chuan Egypt thuneitute chuan tan-in chhunga innghaisakna thleng ṭhin chu officer ṭha lo leh sualte thiltih niin an sawi ṭhin a, mahse Human Rights Watch report chuan hei hi a dik tawk lo tih a tilang a ni, a ti.Egypt thuneitute chuan thil dik lo thlengte siamṭhat tum aia thil awmdan report-tute document te block sakah a puh bawk.