President Trump-a'n NKorea vau leh

US President Donald Trump chuan North Korea chetdan chu a ṭha lo hle tih sawiin, tihtawp vat a hun tawh niin a sawi.

Washington-a news conference a neihnaah, President Trump chuan sipai chakna hmanga NKorea beih a nih tur leh tur loh chu sawilawk theih a ni lo tih sawiin, NKorea hian a thil tumte a tihhlawtling a nih chuan NKorea ram tana ni duhawmlo tak a thlen tur thu a sawi bawk.

Trump chuan, "Sipai chakna hman tur chungchang hi sawilawk theih a ni lo a, engmah hi sawilawk theih a ni lo. Mahse North Korea laka sipai chakna kan hman hi a ngaih loh hram kan besei a ni. Kan hmang a nih vaih chuan, NKorea tan a duhawm lo hle ang" tiin a sawi.

North Korea hian Sept 2 khan a vawi rukna atan nuclear test a nei leh a, long range missile-a hman tur hydgogen bomb a enchihn niin a sawi. Hei hi US leh a thawhpui ramte chuan na takin an sawisel a, UN pawhin emegency meeting neih phahin, NKorea chetdan chu a dem thu a sawi a ni.