Afghanistan-ah US sipai 3,500 tirh belh dawn

US chuan Afghanistan-ah sipai 3,500 a tirh belh dawn a, hengte nen hian Afghanistan-a America sipai awm zat chu 14,500 an tling dawn niin, defence official chuan a sawi.

President Donald Trump chuan thla hmasa khan US-in firfiak laka hun rei tak indo a kalpui tawhna, Afghanistan aṭangin US sipaite lakchhuah an ni dawn rih lo tih a sawi a, Defence Secretary Jim Mattis chuan sipai 3,500 tirh belhna tur thupek a siam a ni. Kar hmasa khan Pentagon chuan Afghanistan-a America sipai 11,000 an awm mek thu hi a lo sawi tawh a ni. Mattis chuan sipaite thawnchhuah tura lehkha pawimawhte chu a tifel vek tawh tih a sawi bawk.