Israel-in Syria chemical site a kap

Syria sipaite chuan Israel-in an ram khawthlang lama centre pakhat a kah thu an sawi. He hmun hi khawthlang ramten Syria-in chemical ralthuam a siamna hmun nia an sawi a ni.

Syria sipaite chuan thuchhuah siamin, Israel indo thlawthheihna hmangin Maysaf khaw bula Scientific Studies and Research Center (SSRC) chu ṭum eng emaw zat kah a nih thu an sawi a, Syria sorkar pawhin hei hi sawi mah se, a hmun erawh a sawilang lo.

Israel chuan Syria puhna chungchang hi a chhang let lo a, mahse military intelligence hotu hlui Amos Yadlin chuan SSRC hi chemical ralthuam leh barrel bomb, Syria civil mi tam tak thihna thlentu siamna hmun a nih thu a sawi. Israel-in a beih leh beih loh chungchang erawh a sawichiang duh lo a, mahse a lo bei a nih chuan khawvel ram dangten he hmun hi an ngaihthah chung pawha Israel-in bei tura a inpeihna a tihlanna a nih thu a sawi.