NKorea hotu-in nuclear scientist-te lawmpuina hlan

North Korea hotu Kim Jong-un chuan tunhnaia nuclear test hlawhtling tak an neih avangin an rama nuclear scientist leh technician-te chu lawmpuina a hlan. An hlawhtlinna lawmna pual hian inkhawm pui tak a buatsaihsak bawk.

North Korea state agency, KCNA chuan Kim hian nuclear scientist-te pual hian lawmna inkhawm a buatsaih sak a, he huanah hian sipai hotu leh party official-te an tel niin a sawi. Mahse inkhawm an neih hun leh an neihna hmun erawh a tarlang lo.

KCNA chuan nimin khan thlalak thar, People’s Theatre-a Kim Jong-un leh NOrtrh Korea Nuclear Weapons Insitute hotu, scientist Ri Hong Sop leh rorellai, Workers’ Party of Korea-a industry deparment deputy director Hong Sung Mu-te awmho lai thlalak a tichhuak thar.

Ri le Hong-te hi NKorea-in nuclear prog­ramme a kalpuina-a mi pawimawh tak an ni. Ri hi NKorea nuclear facility pui ber, Yongbyon Nuclear Research Centre-a director hlui a ni a, Hong hi he hmunah hian chief engineer a ni ṭhin bawk.