Hamas hotuin Egypt tlawh

Palestinian Islamlist movement, Hamas hotu Ismail Haniya chuan Hamas hotu atana thlan tlin a nih hnua a ṭum khat nan Egypt a tlawh.

Hamas hian Gaza Strip-ah ro an rel a, an ṭhenawm Egypt nena inlaichinna ṭha zawk neih dan kawng an zawng mek a, Egypt chu Gaza nena an inkalpawhna ramri a kharte hawn tir an tum a ni.

Kum 2013 khan Hamas thawhpui, Muslim Brotherhood hruaitu Mohammed Morsi chu Egypt president a nihna ṭangin paihthlak a ni a, sipai hotu hlui Abeld Fattah al-Sisi-a’n a thlak a ni. Sisi hian Hamas chu Egypt-a firfiaka chetna thlengte thlawpah a puh a, hei vang hian Hamas nena an inkar boruak pawh a chhe chho hle a ni. Mahse kumin kum laihawl khan Hamas leh Egypt sorkar aiawhte hi an inbia a, Eguypt chuan ramri, Rafah crossing pawh hawn a remti dawn niin an sawi.