Mexico sorkarin chhawmdawl hna thawk muang

Mexico rama kar kalta Ningani-a magnitude 8.1-a naa lir nghing avanga chhiatna tawkte chhawmdawl hna thawh kawngah sorkar chu a che muang hle nia sawi a ni. He lirnghing vanga thi hi mi 90 an tling tawh a ni.

Mexico chhim lam, Asuncion Ixtaltepec khua, mi 16,000 vel chennaah chuan chhawmdawl hna thawk tur hian police team 11 chauh an awm nia sawi a ni.

Kar kalta Inrinni khan Oaxaca governor Aledjandro Murat chuan Ixtaltepec hi a tlawh a, a rual hian chhawmdawl hna thawktu turte pawh an lut chauh a, lir a nghinaṭanga darkar 36 hnuah ṭanpuitu an lut chauh a ni.

National System for Integral Family Development president Adriana Cabrera chuan high school pakhat chu lirnghing tuarte awmna turin siam a nih thu a sawi. He hmunah hian ei tur lamin nitin mi 500 vel an kal a, he hmuna ei tur an semte hi Oaxaca bial chhung hmun dang leh state dang aṭanga mipuiten an thawhkhawm a ni a, state sorkar leh sorkar laipui lam aṭangin ṭanpuina hi an la dawng lo niin a sawi.