Iran-in lungawi lohna lantirna kal zelah WhatsApp leh Instagram khuahkhirh

Iran chuan police custody-a awmlai hmeichhe pakhat a thih avanga an ram chhung hmun hrang hranga lungawi lohna lantir chhunzawm zel a nih avangin, social media network Instagram leh WhatsApp a khuahkhirh.

Kar liam ta khan kum 22 mi, Mahsa Amini chu a thawmhnaw inbel dan avangin Tehran-a morality police-te'n an man a, an kuta a awm lai hian a thi a ni. He thil thleng hian mipuite a tithinur hle a, an zalenna rahbehsak nia sawiin hmun hrang hrangah lungawi lohna lantir a ni. Lungawi lohna lantirte leh police-te inkara buaina chhakah mi paruk an thi a, police pakhat leh sorkar thlawptu mi pakhat pawh an thi tawh bawk.

Buaina punlun zel tur venna kawng khata atan sorkar chuan social media network-te khuahkhirhin, WhatsAapp leh Instagram service-te block an ni.