Thamna latu China minister hlui thi tura hrem a ni

China ram justice minister hlui, Fu Zheng­hua chu thamna a lak avang leh, thilsual tite a puih avangin thi turin a chungthu rel a ni a, mahse a hremna hi kum hnih chhung tihkhawtlai theih a ni ang.

Kum 2012 kumtawp lama China president Xi Jinping-a'n thuneihna a chan hnua eiruk do beih­pui an thlaknaah, sorkar official eiru mi eng emaw zat chu hrem an lo ni tawh a ni.

Kum 67 mi, Fu hi minis­ter leh Beijing chief of police a nih lai, kum 2005-21 inkar khan a thuneihna dik lo taka hmang a, a unaupa leh midangte thil tihsual thuppuia puhnaah thiam loh chantir a ni. An thil tihsual a thupsak avang hian sum, yuan mtd 117 (USD mtd 16.5) leh ram a dawng a ni. Fu-a unaupa, Fu Weihua thil tihsual tak hi tarlan a ni lo thung.

Thi tura hrem, mahse tikhawtlai theihna pekte hi an nungchangin a zir chuan parole awm loin damchhung tang turin an hremna hi tihnepsak an ni fo a ni.