Netanyahu-a’n Iran nuclear deal tihtawp rawt

Israel Prime Minister Benjamin Netanyahu chuan khawvela ram thiltithei paruk leh Iran-te’n nuclear deal an siam chu tihtawp emaw, siamṭhat emaw a rawt.

Argentina tlawha zin, Israel PM hian Buenos Aires-a Argentina President Mauricio Macri nena chanchinthar lakhawmtute an kawmaah he thu hi a sawi a, kum 2015-a nuclear deal an siam hi a ṭha lo hle nia sawiin, siamṭhat emaw, cancel emaw a ngai a ni, a ti. Netanyahu chuan Iran chu khawmualpui hrang hranga firfiak pawl neihah a puh a, hei bakah hian nuclear ralthuam siam tuma hma laah puhin, hei hi ngaihzam mai chi a ni lo, a ti.