NKorea-in weapon programme changtlung zawk kalpui tum

North Korea chuan nuclear test a neih leh avang a, UN Security Council-in an ram hrekna na zawk a siam chhan letna atan, weapon programme a kalpui mek chu changtlung leh chak zawka kalpui a tum thu a sawi.

NKorea nuclear bomb test hi khawvel ram hrang hrangin an sawisel nasa hle a, US-in NKorea hrekna thar siamna tur rawtna a thlen chu Thawh-ṭannia UNSC meeting chuan lungrual takin a pawm a ni. He hrekna thar siam hnuaiah hian NKorea chu textile product lama a sumdawnna te dansak niin, oil a lakluh theih zat pawh bithliah siamsak a ni.

NKorea foreign ministry chuan UNSC-in hrekna thar a siam leh chu a dem thu sawiin, hei hi US-in a nawrna vanga siam a nih thu leh, US tum ber chu NKorea ram leh a mipuite che thei loa siam a ni, a ti. US duhdan anga an ram hrekna siam chu dan kalh leh thil tenawm tak a nih thu NKorea official news agency, KCNA chuan a sawi.

Ministry chuan an ram thuneihna leh dikna chanvo venghim turin an hmalakna chu a hma aia nasaa kalpui a ni dawn tih a sawi bawk.