UN-in Rohingya-te pui turin ngen

United Nations chuan khawvel ram leh pawl hrang hrangte hnenah harsatna tawk mek, Rohingya Muslim refugee-te ṭanpui turin a ngen.

UN Secretary General thupuangtu, Stephane Dujjaric chuan Roghingya-te hi an in leh lo chhuahsana tlanchhiat ngaiin an awm mek a, an dinhmun tawh mek chuan rilru a tina hle a ni, a ti. Ram leh pawl hrang hrangte chuan politics lama an inhriatthiam lohna dahṭha a, ṭanpui ngai mi mangangte pui tura an thawhchhuah a ngai a ni tiin, Myanmar aṭanga tlanchhia a, ramri kana hmun danga himna zawnga awmte dinhmun chu a ṭha lo hle a, ei tur mumal nei loin puih ngaiin an awm a ni, a ti.

Office of the United Nations High Commissioner for Refugees (UNHCR) thlawhtheihna hmangin Bangladesh-a Rohingya refugee tan hian thawmhnaw leh mutbute bakah an mamawh dangte thawn luh a ni a, UAE-in puanin 2,000 a pek chu thawn a ni tawh bawk. Heng chhawmdawlna an thawnte hi raltan 25,000 velin an hmang thei dawn a, a dang pawh thawnluh belh zel tum a ni.