US Supreme Court-in Trump-a refugee ban hman remti
US Supreme Court chuan President Donald Trump-a’n an rama raltlan luh khapna a siam chu a taka kalpui a remti.
President Donald Trump-a’n US-a raltlan luh khapna, refugee ban a siam hi lower court-in a hnawlsak a, mahse sorkarin lower thutlukna siam hi block sak turin Supreme Court-ah a ngen a, Thawhlehni khan he ngenna hi ngaihtuahin Supreme Court chuan refugee ban hi hman a remti ta a ni.
Donald Trump hian March 6 khan ni 90 chhung atan Muslim ram paruk - Iran, Libya, Somalia, Sudan, Syria leh Yemen aṭanga an rama luh khapna leh, raltlante ni 120 chhung atana an luh khapna thupek a tichhuah a, hei hi an rama firfiak lut tur dan nan leh, firfiakte beihna laka aṭanga invenna atana thil pawimawh a nih thu a sawi.