Kuala Lumpur-a school kangah mi 24 thi

Malaysia khawpui, Kuala Lumpur-a Islamic school kangah zirlai leh zirtirtu 24 an thi.

Nimin zing khan Tahfiz Darul Quran Ittifaqiyah-ah kangmei hi a chhuak a, kangmei chhuahna hi room chunglam, zirlaite mutna hmun a ni a, room tukverh-te chu metal bar dah vek a nih avangin an tlanchhuak thei lo a, dormitory-ah an tang a ni.

Fire and rescue department director Khirudin Drahman chuan kum 20 chhunga kangmei chhuak rapthlak ber a nih thu a sawi a, thi zinga 22 chu zirlai, kum 13-17 inkar an ni a, staff member pahnih an thi tel bawk niin a sawi. He school hi Koran zirna hmun a ni.

Fire and Rescue Department operations deputy director Soiman Jahid chuan police-te chuan kangmei chhuah chhan an chhui mek tih a sawi. Kangmei chhuah hnu hian an ṭhenawm velte chuan an au thawm an hria a, mahse a nasat avangin an lut thei lo niin an sawi.

Police hotu Amar Singh chuan school buil­ding luhna leh chhahna hi pakhat chauh a awm a, hei vang hian an tlanchhuak hman lo niin a sawi a, ruang an hmuhte chu an kangchhe nasa hle tih a sawi bawk. Zirlai eng emaw zat chu meikhu an hip luh nasat avangin damdawi-inah hruai an ni bawk.