US sorkarin Kaspersky product hmang lo turin hriattir

US sorkar chuan sorkar agency hrang hrangte chu an network-ah Russia rama siam, Kaspersky Lab product hmang tawh lo turin a hriattir.

US sorkar chuan Kaspersky anti-virus software chuan an ram national security a khawih buai thei dawn niin a sawi a, hei vang hian hman a khap a ni. Deparment of Homeland Security (DHS) chuan federal agency-te chu an information system-a Kasperksy product an hmante ni 30 chhunga enfiah a, ni 90 chhung ngeia an product hmante chu titawp turin a hriattir. Hemi hma hian military network bikah Kaspersky product hmang lo turin a lo hriattir tawh bawk.