China-in Iran bank hnenah loan pe hnem

China sorkar hnuaia investment firm chuan Iran rama bank hrang hrangte chu dollar tluklehdingawn 10 a puktir.

Kar kalta Inrinni khan Tehran, Iran-ah China CITIC investment group leh Iran bank hrang hrang aiawh, central bak president Vialiollah Seif kaihhruaite chuan contract hi an ziak a ni. China-in sum a puktir hi water, energy leh transport project atana hman tur a ni. 

Sum puktir bakah hian China Development Bank chuan Iran hi infrastructure leh production project kalpuina tur inremna, dollar tluklehdingawn 15 hu a ziahpui bawk. Ram pahnih inlaichinna hi a ṭha chho hle a, kum 2016-a ram pahnihte insumdawn tawnna chu dollar tld 31 a nih laiin, kuminah chuan kum chanve chhungin an insumdawn tawnna hi 30% in a pung tawh a ni.