School-a kangmei chhuaka mawhphurtu man

Malaysia police te chuan kar kalta-a Kuala Lumpur-a school kang vanga zirlai leh zirtirtu 21 thihna thleng chungchanga mawhphurtua puh, mi pasarih an man.

Kar kalta Ningani zing khan Kuala Lumpur-a Tahfiz Darul Quran Ittifaqiyah-a school pakhatah kangmei hi a chhuak a, kum sawmhnih chhunga Kuala Lumpur-a kangmei chhuak nasa ber nia sawi a ni. Kangmei chhuah hnu hian building-a awmte chu dormitory-ah an tang a, tukverh-te chu metal bar vuah vek a nih vangin an tlanchhuak thei lo a ni.

Kuala Lumpur police hotu Amar Singh chuan kangmei chhuah ṭanna hi mut pindan lam a nih thu a sawi a, zing dar 5.40-a chhuak niin a sawi. He hmunah hian choka aṭanga lak, gas cylinder pahnih a awm niin a sawi bawk.

Kangmei chhuah chungchanga mawhphurtua puh mante hi kum 11-18 inkar vek an ni a, tualthah thubuai pawh siamsak an ni maithei niin Singh chuan a sawi.