Yemen-ah al-Qaida member 24 that

Yemen sorkar thlawptu sipaite chuan firfiakte laka beihpui an thlak mek chu chhunzawm zelin, Inrinni khan an ramchhunga al-Qaida pawl hrang hrang tawmbukte chu an bei a, al-Qaida member 24 an that tih Yemen tualchhung security thupuangtute chuan an puangzar.

Sipaite chuan a thawh lina atan Inrinni khan beihpui an thlak leh tih security lama thupuangtu chuan a sawi a, beihpui an thlakna hi Yemen chhim lam a nih thu leh kar liam ta chhung khan district palia al-Qaida awmte chu umchhuah an nih thu a sawi. Tunhnaia beihpui an thlaknaah sipai nunna chan 32 bakah hliam 40 an awm tawh thu a sawi tel bawk.

Sorkar thlawptu sipaite hi Saudi Arabia pawhin a ṭanpui reng a, tunah hian Yemen chhim lamah hma an la mek a ni.