Qatar-in fighter jet 24 lei dawn
Qatar chuan Typhoon fighter jet 24 lei turin Britain chu inremna a ziahpui.
Qatar defence hotu Khalid bin Mohammed al-Attiyah leh Britain defence hotu Michael Fallon-te chuan fighter jet leina tur hian inremna an ziak a ni. Fallon chuan inremna an siam tak hi Britain-in Qatar nena defence contract lian an siam ṭum khatna a ni thu a sawi a, hei hi ram pahnihte inlaichinna atana thil pawimawh tak, defence lama thawhdunna ṭha zawk siamna tur a nih thu a sawi.
Eurofighter Typhoon hi British defenc group BAE System, France Airbus leh Italy Finmeccanica-te’n an siam a ni a, aircraft pakhat man hi tarlan a ni lo. BAE hian kum 2014 khan Saudi Arabia hnenah dollar tluklehdinganw 6-in Typhoon jet 72 supply a lo remti tawh bawk a ni.
Kumin June thla khan Qatar hian US hnen aṭanga F-15 jet lei turin, dollar tluklehdingawn 12 hu inremna a lo siampui tawh a, kum 2016 khan France hnen aṭanga dollar tluklehdingawn 8 senga Dassault Rafale fighter jet 24 lei a lo remti tawh bawk.
Arab ram pali - Saudi Arabia, Bahrain, United Arab Emirates leh Egypt-te chuan Qatar chu firfiakte chetna thlawp leh pui ṭhinah a puh bakah, an hmelma Iran chu inzawmna nghet tak neihpuiah an puh a, hei vang hian June 5 khan Qatar nena an inlaichinna hi an chhuchat a ni. Mahse Qatar chuan an puhna thi thu dik lo niin a sawi thung.