Dreamer paruk-in President Trump an khing

US President Donald Trump-a’n naupan laia USA-a pem lut, Dreamer-te humhimna dan, Deferred Action for Childhood Arrivals, DACA program tihtawp a tum avangin Dreamer paruk-in an khing.

DACA program hian document nei loa naupan laia US-a pem lutte an rama thawn kir an nihna tur lakah a veng a, work permit-te pek an ni bawk. Mahse President Trump chuan he program hi tihtawp a tum a, Congress chu he dan thlakna tur ngaihtuah turin a ti a ni.

President hlui, Barack Obama hunlaia siam, DACA program hnuaiah hian US-a naupan laia pem lut, work permit pek chu mi 800,000 dawn an awm a ni. Trump-a kaih­hruai sorkar chuan DACA tihtawp a tum chhan chu Obama hian a thuneihna piah lama he program hi a siam niin a sawi a ni. Kar hmasa khan Dreamer-te hum chhunzawm an nih theihna tura DACA thlakna dan siam tur hian Congress chu alo hrilh tawh a ni.

Kum 2016-a president thlan dawna a campaign-naah khan Trump chuan an rama dan loa pemlut chungchang hi a sawi nasa hle a, DACA tihtawp te, ramriah venhimna khauh zawk siamte a lo tiam tawh a, US mite tana hna thawh tur tam zawk siam te a tiam bawk a ni.