NKorea-in UNSC thuchhuah sawisel

North Korea chuan United Nations Security Council-in an ramin medium-range ballistic missile a en­chhin avanga an ram demna thuchhuah a siam chu a sawisel.

NKorea Ministry of Foreign Affairs thupuangtu chuan UNSC press statement siam chungchangah US chu a mawhphurtuah puhin, nuclear program a kalpui avangin UN-in an ram hrekna a siam thar chu na takin a sawisel. UN-in an ram hrekna a siam thar chu NKorea mipui te tawrhna thlen tir tumna a ni, a ti. US chuan NKorea chu che thei loa siam a, hrekbeh tlat a tum a ni, a ti.

UNSC hian kar kalta Zirtawpni khan closed-door meeting a neih hnuah thuchhuah siamin, NKorea-in ballistic missile a enchhin leh chu a dem thu a sawi. He missile enchhin hi UNSC resolution siam tawh palzutna a ni tiin, US rawtna angin NKorea ram hrekna thar hi siam a ni.

Mahse NKorea chuan UNSC-in an ram hrekna thar a siam hian nuclear program a kalpui chu a tihchak phah zawk dawn niin a sawi.