Russia school-a inpawng kahnaah mi 9 an thi

Central Russia-a Izhevask khuaa school pakhat chu nimin khan silai kengin beiin a pawng kah a a, mi pakua an thi. Thi zingah hian zirlai naupang panga an tel. Mi dang 20-in hliam an tuar bawk.

Emergency official-te chuan pawikhawihtu hi a hnuah a intihlum zui ve nghal niin an sawi a, school a beihna chhan tak hi hriatchian a la ni lo.

Russia official-te chuan school beihnaah hian zirtirtu pahnih leh security guard pahnih pawh an tel tih sawiin, staff leh zirlaite chu hmun himah hruaichhuah an ni. He school-ah hian zirlai 1,000 vel an awm.

Investigative Committee chuan he pawikhawihna thleng chungchangah hian thuchhuah siam nghalin, pawikhawihtu hian Nazi symbol chuanna kawr a ha a, ID engmah a ken tel loh avangin tunge a nih tak hriatchian a la ni lo, a ti.

Izhevsk hi Udmurt Republic regional capital niin, mi nuai 6.3 vel an cheng. Russia khawpui, Moscow khawchhak lam, km 1,000 vela hlaa awm a ni.