Wuhan-ah high school hawng ṭan

Khawvel ram hrang hranga leng mek, Covid-19 hmuh chhuah ṭanna, China-a Hubei province khawpui Wuhan-ah chuan nimin aṭanga khan school an hawng leh ṭan ta. 

Hri leng vang hian January thla aṭang khan zirna in hrang hrangte khar an ni. Hun rei tak khar a nih hunah nimin aṭang khan  Wuhan-a high school leh vocational school 121 te chu hawn niin, zirlaite chu mask vuahtir vek an ni a, school an luh hmain an hriselna dinhmun endik sak vek an ni bawk. Class chhunga pawh zirlaite hi meter khat danah vek 

ṭhuttir an ni. Junior leh middle school erawh hawn an la ni lo. China ram hmun dangah pawh school hi hawn ṭan a ni chho  mek a, Beijing leh Shanghai-ah chuan kar liam ta aṭang khan school hawn a ni.

China ramah hri leng hian ziaawm lam a pan tawh avangin khawpui hrang hrangah nunphung pawh a pangngai chho ṭan a, Hubei province chhung bikah hian thla khat chu hri kai thar report an awm tawh lo a ni. Hetih lai hian ram dang mi luh erawh khap chhunzawm a la ni a, ram dang aṭanga China mi hawte  pawh ni 14 chhung inkhunghran tir zel phawt an ni.