China-in bullet train speed tisang leh

China chuan Beijing-Shanghai high-speed railway-a bullet train maximum speed chu nimin aṭang khan darkar khatah km 350-a chakin a tisang leh. Kum ruk kalta khan bullet train speed hi 300 kmh-ah tihhniam a lo ni tawh a ni.

Beijing-Shanghai inkara bullet train tlan tir, Fuxing chuan nimin aṭang khan speed thar hi a hmang nghal a ni. Speed tihsan a nih leh tak avangin Beijing leh Shanghai inkar kal nan hian darkar 4 leh minute 28 hman a ni ang. Beijing-Shanghai high-speed railway hi China rama relkawng lun ber zinga mi niin, kum khat chhungin khualzin maktaduai 100 chuang an phur ṭhin a ni. China hi khawvela high-speed rel kawng nei thui ber niin, km 22,000 zeta thui a siam tawh a ni.