Germany parliament inthlang

Germany parliament in­thlanpui chu nimin khan neih a ni a, Chancellor ṭanglai Angela Merkel-i kaihhruai sorkar a din leh ngei rin a ni.

Zing dar 8 aṭangin vote thlak ṭan a ni a, zan dar 6 thleng hawn a ni. Vote nei mi maktaduai 61.5 an awm a ni.

President Frank-Walter Stein­meier chuan miputie chu vote thlak vek turin a ngen a, ram hruaitu tur thlan chu mitinte mawhphurhna a nih thu a sawi.

Inthlan hmaa mipui ngaihdan lak hnuhnujng berah Merkel-i leh a party, Christian Democrats (CDU) chak ringtu an tam ber a, an chak leh a nih chuan Merkel-i hian Chancellor term li-na a chelh thei dawn a ni.

CDU hian Free Democrats (FDP) nena thawkdunin majority an neih phak rin a ni.