Turkey-in Iraq leh Syria-ah sipai dah chhunzawm remti

Turkey Parliament chuan Iraq leh Syria-a a sipaite a dah chu kum khat dang dah chhunzawm a remti.

Kar kalta Inrinni khan hemi chungchang hi Parliament chuan a ngaihtuah a ni. Prime Minister Binali Yildiram-a party, Justice and Development Party (AKP) kaihhruai sorkarin sipaite dah chhunzawmna tur motion a putluh chu member tam zawkin an thlawp a ni. Motion hmasa zawkah chuan Turkey sipaite chu kum 2016, October 2 aṭanga kum 2017, October 31 thleng ramri pela beihpui an thlak a lo remtih sak tawh a ni.