Nashville biak-inah silai hmetpuak

Pathianni khan US-a Nashville biak-ina inkhawmte chu mi pakhat hmai tuamin silaiin a pawng kah a, mi pakhat a thi a, midang pasarihin hliam an tuar.

Police-te chuan Burnette Chapel Church of Christ-a inkhawm bang te chu silai keng pakhat-in a lo kap a, mi pakhat a kahhlum hnuah pistol pahnih kengin biak-in hi a luhchilh a, silai hi a pawng hmehpuah ta tih an sawi. Pawikhawihtu hi usher pakhat chuan lo dangin a silai ken hian amah a inkap zui a, a hnuah police-te’n an man a ni.

Pawikhawihtu hi kum 25 mi, Emanuel Kidega Samson a ni a, kum 1996 khan Sudan aṭangin US-ah a lut a ni. Biak-ina inkhawmte a beih lai hi hriat a ni lo a, kohhran member-te chuan kum hnih liam taah khan an biak-inah hian a inkhawm ve ṭhin niin an sawi.

Silai hmetpuaktu hi Vanderbilt University Hospital-ah hruai niin, enkawl a nih hnuah police kutah dah nghal a ni. Metropolitan Nashville police-te chuan Samson hi tualthuah thubuai bakah, thubuai dang pawh siamsak a ni dawn tih an sawi.