Germany Parliament inthlan result puang

Pathianni-a Germany Parliament inthlan result chu tihchhuah nghal a ni a, Chancellor Angela Merkel-i kaihhruai Christian Democrat (CDU) chu kum 70 chhunga a chet chhiat ber ṭum ni mah se, Parliament-a party lian ber ala ni zui tho a ni.

Rorellai CDU leh a thawhpui Christian Scoial Union (CSU)-te chuan kum 1949 hnu lama an chetchhiat ber ṭum an tawng a, vote tla aṭangin 33% an hmu a ni. Martin Schulz-a kaihhruai Social Democrats (SPD) pawh an che chhe hle a, 20.5% vote chiah an hmu pha. Green leh Left party-te chu an dinhmun ala ngai a, vote 8.9% leh 9.2% an hmu bawk. Far-right Alternative for Germany (AfD) chuan a ṭum khatna atan seat lain, vote 12% an hmu pha a, party mala lian ber pathumna a ni phak bawk.

CDU-CSU ṭangdun chuan vote hmu sang ber mah se, ṭangrual sorkar siam turin party dang an thawhpui a ngai dawn a, Merkel-i chuan Christmas hmain sorkar thar a ding hman dawn niin a sawi.