Japan mipui tam zawkin inthlan buatsaih hma duh lo

Japan Prime Minister Shinzo Abe-a’n parliament lower house ṭhiat a, inthlanpui buatsaih a tum chu an ram mipui tam zawkin an duh lo.

Kyodo News-in mipui ngaihdan a lakah, 60% chuan inthlanpui neih hma hi an duh lo tih an sawi a, hetih lai hian 23.7% chuan inthlan neih hma hi an thlawp thung. 27% chuan Abe-a kaihhruai sorkar hi an vote dawn tih an sawi a, 8% chuan eptu party lian ber Democratic Party an duh zawk thu an sawi laiin, 42.2% chuan an vote tur an la chiang lo tih an sawi thung.