Kurdistan referendum : Vote a tla ṭha

Iraq aṭanga Kurdistan inlakhran duh leh duh loh chungchangah mipui ngaihdan lak a ni a, Thawhṭanni khan vote thlak niin, vote a tla ṭha hle.

Kurdistan independence chungchanga vote lak hi Iraq sorkar leh ramdangten an sawisel nasa hle a, Iraq Prime Minister chuan vote lak buatsaih hi ram danpui kalh a ni thu a sawi. Iraq ṭhenawm, Turkey leh Iran pawhin Kurdistan independence hi kalpui a nih chuan an ram chhunga Kurdish hnam awm ho pawhin inlakhran duha harsatna an siam an hlauthawng a, Kurdistan bial nena an inrina pawh kharin, oil a pekchhuah pawh a tihtawp a ni.

Thawhṭanni zan khan Iraq leh Turkey official-te chuan Turkey ram chhung, Kurdistan bial ramri-ah joint military drill an neih tur thu an puang. Iran pawhin referendum buatsaih chu dan kalh a ni tiin, Kurdish biala thlawhtheihna service pawh a titawp nghal vek a ni.

Kurds ho hi Middle East-a hnam lian ber pali-na an ni a, Iraq ram mipui zinga 15-20% tlingin, maktaduai 37 vel an awm a ni.