Pakistan-ah PM hlui Sharif-a kir

Pakistan Prime Minister hlui Nawaz Sharif-a chu eiruk thubuai pathum a neih mek hmachhawn turin Thawhṭanni khan an ramah a kir.

Sharif-a hian August 30 khan London-a a nupui damlo enkawl mek awmpui turin Pakistan hi a chhuahsan a, mahse Prime Minister Shahid Khaqan Abbasi, finance minister Ishaq Dar leh a nau, Punjab chief minister Shahbaz Sharif-te a kawm hnuah an ramah hian a kir leh a ni.

Anti-corruption watchdog, National Accountability Bureau in alakah eiruk thubuai pathum a ziahluh avangin nimin khan court-ah a inlan nghal a ni. Sharif-a chuan a nupui dinhmun chu ṭha lo mah se, an puhna lakah a fihlim zia lantira court hmachhawn turin an ramah hian a kir niin a sawi.