Iraq-in Sunni hel 42 khaihlum

Iraq chuan Sunni hel, an ram chhunga firfiaka chetna hrang hranga inhnamhnawiha puha thiam loh a chantir mi 42 te chu Pathianni khan a khaihlum.

Mi 42 khaihlumte hi security force beihnaah te, car bomb tipuahnaahte inhnamhnawiha puh an ni. Amnesty International chuan Iraq sorkar thiltih dan hi a sawisel a, thi tura hremna chu eng kawng mahin hman a ni tawh tur a ni lo, a ti.

Iraq Justice Ministry chuan pathiani khan Nassiriya tan-inah mi 42 te hi khaihlum an nih thu a sawi. He hmunah vek hian thla thum kalta khan firfiaka puh mi 14 te chu tihhlum an lo ni tawh bawk. Pathiannia mi 42 te tihlum an ni lai thlir tur hian an chhungte pawh sawm an ni.