Rocket pahnih-in Kabul airport kap

Afganistan khawpui, Kabul hmarlama international airport chu nimin khan rocket pahnih hmanga kah a ni. Taliban firfiak pawl chuan an tih niin an chhal. Nimin khan US Defence Secretary James Mattis leh NATO chief Jens Stoltenberg-te chuan sawi lawk loin Kabul hi an tlawh a, Afghanistan an thlen hnuah pawikhawihna hi a thleng a ni. Kabul airport chief Yaqub Rassouli chuan rocket hian air force hangar a fuh niin a sawi a, he rocket hi Deb Sabz district aṭanga kahchhuah a nih thu a sawi. Rocket hian air force hangar a tihchhiat bakah, airport-a helicopter pakhat a tichhe tel bawk.