US-Mexico rarmi hungna bang siam ṭan

US sorkar chuan President Donald Trump-a’n a campaign laia a lo tiam tawh angin, US leh Mexico ramri hungna bang siam hna chu thawh ṭan a nih thu a sawi.

Customs and Border Protection chuan hmun pariatah ramri hung hna hi thawh ṭan a nih thu sawiin, heng zinga pali chu concrete-a siam niin, a dang chu hmanraw dang hmanga siam a ni dawn tih a sawi. Ramri hi feet 30-a sang leh feet 30-a sei zelin siam a ni dawn a, ni 30 chhunga zawh hman tum a ni. Siam fel a nih hnuah official-te chuan thla tum chhung an zirchiang leh phawt dawn a ni. Bang hi siam fel a nih hnuah camera leh sensor te pawh dah a ni bawk ang.

Ramri hungna bang siam­na hi pakhatah dollar 450,000 zel sen a ni dawn a, hei hi federal fund aṭanga pek a ni ang. Hetih lai hian Preident Trump-a’n ramri hungna siamna tura Congress hnenah dollar tluklehdingawn 1.5 a dil chungchangah inremna siam a la ni lo. Trump hian a campaign laiin ramri hung­na senso te hi Mexico tumtir a nih tur thu a lo sawi tawh a ni.