Iraq PM-in Kurdistan airport hlan phut

Iraq Prime Minister Haider chuan Kurdistan Regional Government (KRG) hnenah an bial chhunga international airport pahnih chu Iraq sorkar kutah hlan turin a ti. Hei hi a ti lo a nih chuan bungraw thawnluh kawnga hrekah a vau a, Zirtawpni thleng hun a pe.

Hetih lai hian Kurdish hruaitu Masoud Barzani chuan Iraq ram aṭanga inlakhran duh leh duh loh chungchanga Kurdistan bial mipuite vote laknaah, a tam zawkin independence an thlawp niin a sawi.

Iraq sorkar bakah a ṭhenawm ramte chuan Kurdistan bial independence vote lak hi an dodal a, mahse an dodal chung hian Thawhṭanni khan vote lak niin, election commission chuan vote tla hi 72% a tling niin a tarlang.

Iraq chuan Kurdistan sorkarin a bial chhunga airport leh border post-te chu a hlan duh lo a nih chuan ramri te kharsak turin ṭhenawm ramte a ngen. Turkey President Recep Tayyip Erdogan chuan Kurdistan bialin indepedence kalpui a tum a nih chuan hrekah a vau a, Kurdishtan bial mipuite chu rilṭamin an awm phah dawn a ni, a ti.