UNGA president-in thlalak chungchang ngaihtuah dawn

New York-a United Nations General Assembly hmanga kal, Pakistan palai Maleeha Lodhi chuan Kashmir-a India sipaite kuttuar nia sawi hmeichhe pakhat thlalak a tilang a, mahse a hnuah he thlalak hi kum hnih liamtaa Gaza Strip-a Palestinian hmeichhe pakhat hliam tuar thla a ni tih hriatchhuah a ni.

UNGA-ah hian India External Affairs Minister Sushma Swaraj-i chuan Pakistan chu firfiakte chherchhuaktu, firfiakte zalen taka an awm theihna ram leh, sorkar ngei pawh firfiakte thlawp ṭhinah a puh. Hei hi UN-a Pakistan Permanent Representative Maleeha Lodhi chuan chhang letin, press conference a neihah Palestinian hmeichhe hliam tuar thlalak hi a tilang a ni. Pakistan palaiin Kashmir-a India security force-te kut tuartu nia hmeichhe thlalak a pholan nihna dik tak hi sawichhuah a nih hnuah, UNGA President Miroslav Lajcak chuan dik lo taka thlalak pholan a nih ṭhin chungchang hi ngaihtuah zui a ni dawn tih a sawi.