Mexico-ah police officer 6 kaphlum

Mexico hmar lam, Zacatecas state-ah Nilaini khan ruihhlo tawlhru ṭhin pawl pahnihte inbeihna thlengah police officer paruk kahhlum an ni tih thuneitute chuan an sawi.

Police officer panga chu Calera de Victor Rosales-a sports centre-a training an neih laiin kahhlum an ni a, a hnuah midang pahnih lo thlengte pawh an lo kap zui leh a, pakhat zawk a thi a ni.

Zacatecas governor David Monreal chuan he pawikhawihna thleng hi a dem thu leh, dawihzep taka chetna tiin, thi chhungte a tuarpui thu a sawi bawk.

Zacatecas state-ah hian US-a ruihhlo tawlhluhna kawnga thuneitu zawk nih inchuhin Sinaloa leh Jalisco New Generation cartel inkarah inbeihna a thleng fo a ni. Kumin January thla khan Gover­nor chenna in kawta motor pakhat chhungah ruang 10 hmuh a ni.