Cameroon-in Nigeria refugee nuai khat thawn kir

Camreroon chuan a rama Nigeria raltlan, mi nuai khat chu an ramah a thawnkir lui leh nia sawi a ni a, hei hi international agreement alo siam tawh palzutna a nih thu, Human Rights Watch (HRW) chuan a sawi.

HRW chuan Cameroon thuneitute chuan an ram tualchhung buaina avanga himna zawnga tlanchhia, Nigeria raltlan nuai khat vel chu kum 2015 aṭang khan a thawn kir leh tawh niin a sawi. Nigeria raltlante hi ramri bulah an cheng a, Cameroon sipaite hian raltlante hi Boko Haram member-ah puhin kut an thlak fo nia sawi a ni. UN refugee agency (UNHCR) chuan kumin kumtir lam khan Cameroon hian Nigeria raltlante a thawn kir luih avangin alo sawisel tawh bawk a ni.