Lebanon tribunal-in al-Assir-a thi tura hremna pe

Lebanon military tribunal chuan Sunni Muslim cleric Ahmed al-Assir chu, kum li liamtaa Sidon khawpuia buaina chhuaka mi tam tak thihna thu buaiah thiam loh chantirin, thi tura hremna a pe.

Ahmed al-Assir hi Sidon khawpuia buaina a chhuah hnu kum 2015 khan man a ni a, Ni­ngani khan court-in a hremna tur hi a tichhuak ta a ni. A rual hian kum 2013, June thlaa Lebanon sipaite thahnaa inhnamhnawiha puh, mi 38-te thubuai ngaihtuah a ni bawk a, mi 30 chu dam­chhung tang tura hrem an ni.

Kum 2013, June 24 khan Sidon-ah, Assir-a thlawptute leh Lebanon sipaite inkarah buaina chhuakin sipai 18 an thi a, Assir-a thlawptu lamah mi 40 thiin civil mi pahnih an thi tel bawk. Sidon-ah hian ni hnih chhung inbeiin, hei hi Lebanon ramchhunga tualchhung buaina chhuak lian leh thisen chhuah nasatna ber nia sawi a ni.

Kum 2014 khan Assir chu armed group siam a, Lebanon sipaite a beih avangin manna tur thupek tihchhuah alo ni tawh a, hun eng emaw chen a tlanchhiat hnuah km 2015 August thla khan Beirut International Airport-ah man a ni. Man a nih lai hian inchei danglamin, passport lem nen ramdangah tlanchhiat a tum a ni.