Afghanistan school-a thihchilh bomb puakah mi 19 thi

Afghanistan khawpui, Kabul-a zirna in pakhat chu thihchilh bomb hmanga beih a ni a, mi 19 an thi.

Nimin zinga pawikhawihna thlenna hmun hi Kabul khawthlang lam, Shia-Muslim chen tamna bial, Dasht-e-Barchi hmuna Kaj edu­cation centre a nih thu police thu­puangtu Khalid Zadran chuan a sawi.

"Zirlaite hi exam tura an inbuat­saih mek laiin bomb hi tihpuah a ni. Vanduaithlak takin mi 19 an thi a, mi dang 27 an hliam bawk," a ti.

Afghanistan-ah hian a tlangpuiin Zirtawpni chuan school khar an ni ṭhin. Mahse nimina mite hi university entrance exam practice nei tura kal an ni. Zadran chuan civil mite bitumna chu nunrawnthlak a tih thu a sawi bawk.

Nimina thihchilh bomb tihpuah hi eng pawl mahin an tih a nih thu an la chhal lo.