China-in Mars mission kapchhuak

China chuan Ningani khan Mars mission a kapchhuak ve leh ta. Hainan Island-a Long March-5 carrier rocket aṭangin spacecraft, Tianwen-1 a kapchhuak a, Mars thleng turin thla sarih hun a hmang ang. Tianwen-1 hi Mars leilung hnuai lamah tui a awm leh awm loh a zawng dawn a ni. Tun hi China-in Mars mission a neih ṭum khatna a ni lo a, kum 2011 khan Kazaskstan aṭangin Mars zirchiang tur hian spacecraft a lo kapchhuak tawh a, mahse a hlawhtling lo a, spacecraft hi boruakah a kang zui a ni. United Arab Emirates (UAE) chuan Thawhlehni khan Mars leilung zirchiang turin 'Hope Mars Mission' chu a lo kapchhuak ve tawh  bawk a ni.