Republican National Convention neih tum ṭulh lailawk

US president Donald Trump chuan  Florida state-a Jacksonville hmuna Republican party ten national convention neih an tum chu Covid-19 vanga ṭhulh a nih thu a puang.

Republican convention hi a hma chuan North Carolina state-a Charlotte hmunah neih tum a ni a, mahse North Carolina-ah hian Covid-19 vanga social distancing rule (midang hlata awm) hman mek a nih avangin Florida-ah convention hi neih tum a ni zawk ta a ni. 

Mahse hei pawh hi ṭhulh a ni leh ta a ni. Kumina Republican National Convention neih tur hi ruahman lawk dan chuan August 24-27 thleng a awh dawn a, mahse US-a Covid-19 hri leng awm dan uluk taka thlithlai a nih hnuah Republican National Committee chuan ṭulh lailawk a nih thu an puang zui ta a ni. 

President Donald Trump chuan convention hi neih a hun rih loh thu sawiin, covention-a thuchah erawh chi danga neih a tum thu a sawi. Republican National Con­vention-ah hian US-a Republican party palaite chu an kal khawm ṭhin a, he hunah hian palai kal khawmte hian an ramin inthlanpui a hmachhawn tur atana an party US president nominee tur leh vice president nominee turte chu an thlang chhuak ṭhin a ni.