Austria-in vantlang hmuna hmai khuh khap

Austria sorkar chuan Muslim hmeichhiaten vantlang hmuna an hmai pum an khuh ṭhin chu a khap sak.

Austria sorkar chuan hmai khuh vek chu khap a nih thu sawiin, vantlang hmunah chuan chal aṭanga khabe chin tal chu tihlan ngei a ngaih thu a sawi. He dan hi Muslim pawl hrang hrangte chuan an sawisel a, Austria rama Muslim hmei­chhia hmai khuh vek ṭhinte chu mi tlemte chauh an nih thu an sawi. France leh Belgium pawhin kum 2011 khan van­tlang hmuna Muslim hmei­chhiate hmai khuhna, burka khapna hi an lo siam tawh a, Dutch parliament-ah pawh ngaihtuah meka ni bawk. German Chancellor Angela Merkel-i chuan hmai pum khuh chu Germany-ah khap a ngai tih alo sawi tawh bawk a ni.