US, Japan leh Australia-in China bei turin thawhho remti

United States, Australia leh Japan defence minister-te chuan Inrinni liam ta khan China rawn lian chho zel karah, an sipaite thawhhona ṭha siam an remti.

"Taiwan strait leh region danga China inhrosa leh inluling chho zel chuan ngaihṭhat lohna tam tak min siam a ni," tiin US defence secretary Lloyd Austin chuan a sawi.

"Indo-pacific lamah pawh hma­lakna lian tak kan hmu a, China chuan kan la hmuh leh hriat ngai loh hawi zawngin zawi muangin khaw­vel thlak danglam tumin hma an la mek a ni," tiin Australia minis­ter Richard Marles chuan a sawi bawk.

Ningani liam ta khan US chuan hma lak a tumna, Pacific thliarkar ramte chhawmdawlna turin USD mtd 810 thehchhuah a remti.

US vice president Kamala Harris chuan kar liam ta khan Japan leh South Korea tlawhin, United States chu Asia, a bikin Taiwan strait-ah hlauhna leh timna tel miah lohin an che dawn tih a sawi. China chuan Taiwan chu China rama lakluh an duh a, ram pahnih daidangtu tuipui kalkawng lun tak pawh an hnuaia mi niin an sawi.