Pakistan, Qatar leh Turkey-te firfiak thlawptu ramah puan duh

Pentagon official hlui Michael Rubin chuan Pakistan, Qatar leh Turkey-te chuUS sorkarin firfiak thlawptu ramah a puan a hun tawh niin a sawi.

American Enterprise Institute (AEI) resident scholar Michael Rubin chuan Pakistan dinhmun chu ngaihtuah chian a hun tawh tih a sawi a, Pakistan hian a ram hrekna pumpelh a duh a nih chuan, a ram chhunga firfiakte manin, sum hmanga a thuam ṭhinte a tihtawp a hun tawh a ni, a ti.

Kum 1979 aṭang khan US State Department chuan State Sponsor of Terrorism list hi a lo siam tawh a ni. He list-ah hian Libya, Iraq, South Yemen, Syria, Cuba, Iran, Sudan leh North Korea-te chu telh an ni tawh a, mahse hun eng emaw chen hnuah paih ṭhen ni tawhin, tunah hian list-ah hian ram pathum - Iran, Syria leh Sudan chauh an awm rih a ni.

Rubin chuan US ṭhianṭha pawh ni se, firfiak thlawptu ramte chu list-ah hian telh an ngai a ni tih sawiin, Pakistan, Qatar leh Turkey-te chu list-a awm an phu niin a sawi.