Las Vegas-a inkahna thlengah mi 20 an thi

Las Vegas, US-a Mandalay Bay resort and casino bula country music festival neihnaah Pathianni zan khan inkahna a thleng a, mi 20 an thi a, midang 100 velin hliam an tuar. Silai hmehpuaktu nia hriat chu police-ten an kaphlum ve nghal a, a hming erawh puanzar a la ni lo.

Pathianni zan kha ni thum awh, Route 91 Harvest festival tawp zan a ni a, he festival chhimtu hi an ṭhahnem hle. Pathianni zan pawh hian mi 30,000 velin an chhim nia sawi a ni.

Police-te chuan silai hmetpuaktu hi Las Vegas mi niin, thurualpui emaw, helpawl zawmpui emaw a neih hriat a nih loh thu an sawi. Festival hmanga awm­khawmte chu a bul Manda­lay Bay Hotel and Casino chhawng 32-na aṭangin a kap niin an sawi. Thuneitute chuan hmeichhe pakhat, Marilou Danley chu man tumin an zawng mek a, zawn anih chhan hi sawichian ni lo mah se, pawikhawihtu thawhpui nia sawi a ni. Pawikhawihna thlen dan hi chhui zui mek a ni.