Saudi Arabia Lal-in Russiaa tlawh dawn
Saudi Arabia lal, King Salam bin Abdulaziz Al Saud chuan Ningani hian Russia a tlawh dawn.
King Salman hi Russia President Vladimir Putin-an zin tura a sawm anga kal tur a ni. Hruaitu pahnihte hian Saudi Arabia leh Russia-ten inlaichinna ṭha zawk an neih dan turte sawidunin, tuna thawhdunna an neih mekte tihlen leh changtlung zawka kalpui dante an rel dun ang. Ram pahnihte hian energy project atan dollar tluklehdingawn khat ruahman an tum niin Russia Energy Minister Alexander Novak chuan a sawi a, hei hi hruaitu pahnihte inhmuh hunah tihfel tum a ni. Infrastructure sector lama thawhdunna tur hrang hrang pawh an tlangzarh nghal rin a ni.