Pope Francis-an pawikhawihna leh thihna thleng titawp turin Putin ngen

Pope Francis chuan a vawi khatna atan Russia president Vladimir Putin chu Ukraine-a pawikhawihna leh thihna rapthlak tak thleng ṭhin chu titawp tura ngenin, thisen leh mittui luangte chuan rilru hrehawm takin a siam thu a sawi.

Catholic kohhran hotu hian Russia-in Ukraine-a region pali a laksak chu demin, Putin chu a ram mipuite ngaihtuah hmasa phawt turin St Peter’s Square-a Ukraine puala an hun hmannaah a sawi a ni.

Vatican official pakhat sawidanin, Pope hian rilru leh tih tak zeta a sawi thu tarlangin, kum 1962-a Pope John XXIII an Cuban Missile Crisis lai vela radio kaltlanga remna a awm theihna tura a ngenna nen a tehkhin a ni. Francis hian Russia-in Ukraine an beihna vanga thihna thleng chu vawi tam tak a lo sawisel tawh a, mahse ngenngawl taka Putin hnena direct taka a ngen vawi khatna a ni.

"He ka ngenna hi Russian Federation president tana ka chah a ni. A mipuite a hmangaihna avang tal pawhin he tharum thawhna leh thihna thleng hi titawp turin ka ngen a ni," tiin Pope Francis chuan a sawi. Ukraine president Volodymyr Zelenskyy pawh inbeihna titawp zawnga rawtna siam turin a chah bawk.

Buaina tireh turin Pathian hmingin ngenna a siam a, khawvel chu nuclear indona hmachhawn mai theiah an ding niin a sawi. Francis hian a hnuah Russia leh Ukraine hotute a ngenna hi a twitter-ah a tarlang leh bawk.