Sri Lanka-in chhungkaw harsa zualte tan Chenna in 2,000 sa dawn
Sri Lanka sorkar chuan chhungkaw harsa, low-income family tan chenna in 2,000 a sak sak dawn tih president Ranil Wickremesinghe chuan a sawi.
October thlaa Thawhṭanni hmasa bera hman ṭhin, World Habitat Day puala a thusawinaah, President chuan Sri Lanka hian hmasawnna tluantling an neih a ngaih thu leh, mahni in ngeia chhungkuate hlim taka an awm theihna tur siamsak a ngaih thute a sawi a ni.
"Heng ruahmannate a taka kalpui tur hian sorkar chuan low-income family tan chenna in 2,000 a sa dawn a ni. Project hi khawpui mite chang ni lo in, khawpui pawna chengte pawhin an chhawr thei dawn a ni," tiin Wickremesinghe chuan a sawi.
An rama economy lama buaina nasa tak an tawh mek karah, Sri Lanka chuan hygiene product lei zo lote chhawmdawlnan sanitary product lama chhiah an lak ṭhin pawh an titlem tih report chuan a tarlang. Tualchhunga siam, sanitary napkin pack khata 10 awm, cheng 60 ni ṭhin chu cheng 50-in tihhniam a ni dawn a, maximum retail price chu Rs 270 aṭangin 260-ah tihniam a ni bawk ang. Rampawn aṭanga an lakluh hralhchhuahna man pawh 18% emaw 19% in tihhniam a ni dawn bawk.