Bangladesh-in Rohingya phurtu lawng 20 tichhia

Bangladesh thuneitute chuan Myanmar aṭanga Bangladesh-a Rohingya Muslim raltlante phurh thlenna atana hman lawng 20 an tichhia.

Ratlanten Bangladesh panna tura lawng an hman ṭhin hi ruihhloa sumdawngte chuan Bangladesh rama methamphetamine tawlhluhna remchangah an hmang niin thuneitute chuan an sawi.

Bangladesh-a raltlan chuan Shah Porir Dwip an thlenin border guard-te hian lawnga chuangte chu kut thlakin an man a, hemi hnu hian tualchhung mite chuan lawng hi an vuak chhiatsak ta niin an sawi.

Border Guards Bangladesh local commander, Lieutenant Colonel Ariful Islam chuan raltlante kutthlak an awm lo tih a sawi ve thung a, secuirty force-te chuan mihringa sumdawng leh ruihhlo tawlhrute dap hna an thawk zawk a ni, a ti.

Myanmar-a Rakhine state-a security force leh Rohingya helte inkara inbeihna thleng vangin Rohingya Muslim nuai nga chuang chu Myanmar ramah hian an tlanchhe tawh a ni.